Young D Kanizidi Tattoo Na Umri Lakini Kuchana Haniwezi- Young Killer

Msanii wa bongo fleva anayefanya miondoko ya kurap, Young Killer Msodoki amefunguka na kudai kuwa msanii mwenzake Young D hajamzidi kitu zaidi ya tattoo za mwilini lakini kwenye kurap na kuchana hawezi kumfikia hata siku moja.

Siku za hivi karibuni wasanii hawa wawili wamekuwa kwenye bifu zito sana la kurushiana maneno kwenye mitandao ya kijamii huku kila mmoja wao akidai ana uwezo mkubwa wa kuimba na kuchana kuliko mwenzake.

Katika mahojiano aliyoyafanya na Dizzim Tv, Young Killer alifunguka yafuatayo kuhusiana na bifu lake na Young D ambalo lilipelekea Young D kumtukana matusi ya nguo keen he kipindi cha Friday Night Live:

Unajua huu utamaduni wetu wa hip hop unaruhusiwa kumuweka mtu sawa kama hayupo sawa ili mradi haumtukani na vitu kama hivyo lakini mimi Young D alikuwa amenitukana matusi ya ndani kabisa, basi pale pale studio nikamuuliza akisema hataki kufananishwa na mimi anakuwa anamaanisha kwenye sekta gani labda? Lakini sikupata jibu ikabidi niseme tu ilimradi tupo studio DJ atuwekee biti tuchane, tumewekewa biti mi nimechana mwenzangu anaambiwa achane kuvhana hawezi basi hapo ndo wenyewe muone kuwa hatufai kufananishwa yaani unajiita rapa lakini kuchana huwezi basi mimi naona yeye alichonizidi ni tattoo mwilini na umri wake umeenda kidogo kuliko mimi lakini kuchana hawezi kunifikia hata siku moja nimeshamdhihirishia hilo”.

Young Killer ameongelea pia wimbo wake mpya alioshirikishwa na Diamond lakini pia aliongelea mchango mkubwa wa Fid q katika mziki wake na mafanikio yake kisanaa.