Wema Sepetu Kuwaburuza Nabii Tito na Mkewe Mahakamani

Muiguzaji maarufu wa Bongo movie mrembo Wema Sepetu amedhamiria kuwaburuza mahakamani Nabii Tito na mke wake kwa kile anachodai kuwa wawili hao wamemdhalilisha.

Nabii Tito au maarufu kama Nabii Feki alipata umaarufu mtandaoni mwanzoni mwa mwaka huu kutokana na dini yake na imani yake iliyowakwaza na kuwashangaza wengi.

Nabii Tito alidai anaongoza kanisa linalomtukuza Mungu lakini matendo aliyokuwa anafanya na wanawake wa hilo kanisa yalikuwa ya ajabu sana kwani alionekana wakinywa pombe na wanawake na pia alionekana wakibusiana na wanawake zaidi ya wawili.

Lakini pia alishangaza wengi pale alipomtambulisha mwanamke ambaye alidai ni mke wake lakini cha ajabu ni kwamba na mwanamke huyo alikuwa akishiriki katika matendo hayo machafu.

Siku chache zilizopita Nabii Tito na make wake walikaa na kujirekodi huku wakiongea na kumuomba muigizaji wa Bongo movie Wema Sepetu ajiunge nao sio kwa kwenda kusali bali ajiunge nao na akubali kuwa mke wa pili wa Nabi Tito na huku aliyekuwa anamuomba na kumsisitiza ni mke wa nabii Tito ambaye alimtaka Wema awe mke mwenzake.

Ambapo kwenye video hiyo mke wa Nabii Tito alisikika akisema maneno haya:

Wema Sepetu nakupenda sana hata nabii Tito anakupenda sana, kwanza ni mzuri Una shepu nzuri hata kwenye mambo ya Kiafrica unaongoza kwa uzuri”.

Baada ya video hiyo kusambaa Wema alifunguka na kusema ameiona hiyo video na kusema kweli wamemuudhi na amekasirishwa na kile wanachokifanya Nabii Tito na mke wake.

Kiukweli wameniudhi sana kwa kunidhalilisha nawasiliana na mwanasheria wangu ili nimbutuze mahakamani mwanamke huyo”.

Jeshi la polisi mkoani Dodoma mapema wiki hii lilimkamata Nabii huyo na kumfanyia mahojiano kutokana na mahubiri ya kidini anayofanya na limesema Nabii huyo ana matatizo ya akili baada ya dakatari kuthibitisha pia.