Wema Sepetu Apokelewa Nchini Rwanda Kama Malkia, Hii Ndio Sababu Iliyompeleka

Muigizaji maarufu wa filamu za Bongo movie, Wema Sepetu amepokelewa kama malkia nchini Rwanda siku ya Jumatano ambapo ilikiwa ni mara yake ya kwanza kufika nchinni humo ambapo ameenda kwa ajili ya kuhudhuria tamasha.

Wema amewasili nchini Rwanda na kupata mapokezi makubwa na kuonyesha ni jinsi gani anapendwa nchini humo, pia sio tu ameenda nchini humo kwa ajili ya kwenda kutalii bali ameenda kikazi kuhudhuria tamasha la KFM Instagram party.

Wema ameenda Rwanda kwa ajili ya kuhudhuria tamasha la KFM Instagram party, tamasha lililoandaliwa na kituo cha KFM lenye lengo la kuwakutanisha wqtumiaji wote wa mtandao huo siku ya tarehe 24 Novemba katika ukumbi wa Chillax lounge, Nyarutarama nchini Kigali, Rwanda.

Kwenye mahijiano aliyoyafanya na kituo cha redio cha KFM huko Rwanda Wema amefunguka haya kuhusiana na tamasha hilo:

Ndio mara yangu ya kwanza nafika Rwanda na ninaweza nikasema vile vitu nilikuwa nasikia kuhusu Rwanda ama kweli nimeviona, nimekuja kwenye tamasha la Instagram party ni kitu kizuri kwa sababu mimi nimekuwa ni queen wa social media na sio nimejipa mwenyewe icho cheo bali ni watu, naamini siku hiyo itakuwa muda muafaka wa watu kukutana na Mimi na kupiga picha na kupiga stories mbili tatu ili watu waweze kupata taswira kamili kuhusu mimi kipenzi cha wengi kutoka Tanzania”.