Wema Sepetu Adaiwa Kumpiga Vibao Chalz Baba Hadharani Kabisa

Muigizaji wa Bongo movie Madam Wema Sepetu amerudi Kwenye headlines Tena huku safari hii akidaiwa kumtandika vibao hadharani aliyekuwa mpenzi wake Chalz Baba.

Global Publishers wanaripoti kuwa tukio hilo lilitokea ukumbi wa burudani wa The Club Legend (zamani Nyumbani Lounge), ambapo Bendi ya The African Stars ‘Twanga Pepeta’ ilikuwa inafanya shoo ambapo inadaiwa Wema alimpiga vibao Chalz Baba huku kisa kikiwa ni Husna Sajent.

Inadaiwa kuwa Baada ya Chaz Baba kuburudisha jukwaani na wanamuziki wenzake, alishuka na kwenda maliwatoni, wakati akitoka huko alikutana na Wema njiani na baada ya mazungumzo machache watu walishuhudia Wema akimzaba makofi kadhaa Chaz Baba.

Global Publishers lilipojaribu kumsaka Wema na kumuuliza juu ya tukio hilo na kutaka kujua sababu ya kumpiga aliyewahi kuwania mpenzi wake Wena alichomoa na kusema “No Comments”.

Baada ya sakata hilo Gazeti la Risasi Mchanganyiko lilimsaka Chalz Baba ambaye alifunguka:

Tulikuwa vizuri tu maana jioni tulikuwa naye pamoja kwenye kikao cha kamati ya Miaka Ishirini ya Twanga maana na yeye ni mjumbe, tunategemea kusherekea naye siku hiyo kwa sababu itakuwa ni siku yake ya kuzaliwa pia usiku huo.

Hakukuwa na shida yoyote. Sasa nimeshuka jukwaani naenda maliwatoni mara nikakutana naye akaanza kuniuliza kwa nini Sajenti ananiposti kwenye mitandao ya kijamii na kwa nini tupo karibu.

Mimi nilimjibu kuna shida gani kwa sababu nina uhuru wa kuwa karibu na mtu yeyote yule na yeye hawezi kunipangia masharti kwa sababu si mpenzi wangu.

Nilipomjibu tu hivyo nilishitukia nazabwa makofi kadhaa usoni. Kalala alikuwa karibu ikabidi amtoe. Kiukweli ni kwa sababu ni mwanamke lakini angekuwa mwanaume mwenzangu pangechimbika”.