Wema Sepetu Aachwa Solemba na Wakili Wake Mahakamani

Muigizaji wa filamu Wema Sepetu amejikuta katika wakati mgumu baada ya kuachwa solemba na wakili ambaye alikuwa naye bega kwa bega tangu mwanzo wa kesi yake ya kutumia madawa ya kulevya ianze kusikilizwa.

Aliyekuwa wakili wa Wema Sepetu, Peter Kibatala alikuwa akimwakilisha Wema katika kesi yake ya matumizi ya madawa ya kulevya iliyokuwa ikiunguruma katika mahakama ya hakimu mkazi Kisutu. Peter aliandika barua ya kujiondoa katika nafasi ya kumwakilisha Wema lakini baada ya hapo Wakili Albert Msando ameandika barua ya kuwa wakili mpya wa Wema Sepetu.

Peter Kibatala amezungumza na Bongo 5 mara baada ya kuandika barua hiyo ya kujitoa kuwa wakili wa Wema Sepetu:

Sisi tumejitoa kwenye hii kesi na tutaifahamisha mahakama kuwa hatutaweza kumwakilisha tena mshtakiwa Wema Isaack Sepetu kwenye kesi hii na Wema atawatambulisha mawakili wake wapya mahakamani siku kesi itakapoendelea kusikilizwa tumeishukuru mahakama kwa ushirikiano wake wote uliotupa katika kipindi chote cha kesi hii na tukaiambia mahakama kama kuna sehemu wakati tunendesha kesi hiyo basi tunajua mahakama itatusamehe maan hatujakamilika lakini siwezi kusema sababu ya kwa nini tumeacha kumwakilisha mshtakiwa maana maadili ya uwakili hayatakiwi kuzungumza mambo ya mteja hadharani”.

Baada ya Peter Kibatala kujitoa mara moja Peter Msando ameandika barua mahakamani ya kuipokea kesi hiyo na kuendelea pale palipoachwa na wakili wake wa zamani ambapo kesi yake itaendelea kusikilizwa mwezi februari.