Wasanii Wanaofanya Vizuri Tanzania Wanatoka WCB- Babu Tale

Meneja wa staa wa Bongo fleva na CEO wa WCB, Diamond Platnumz, Babu Tale amefunguka na kuweka wazi kuwa wasanii wote wanaofanya vizuri Kwenye gemu kwa sasa wanatoka WCB.

Kwenye mahojiano aliyofanya na Bongo 5, Babu Tale amedai hata watu wanune au waumie lakini ni ukweli usiopingika kuwa WCB ndio Label yenye wasanii wakali kwa sasa:

Wasanii wetu wote wanafanya vizuri,” alisema Babu Tale. “Wasanii wanaofanya vizuri nchini Tanzania kwa kipindi hichi wanatoka Wasafi iko wazi ukinuna ukiumia wasanii wanaofanya vizuri kwa kipindi hiki Wanatoka Wasafi”.

Babu Tale amepingana na vikali na baadhi ya maneno ambayo yamekuwa yakisemwa kuhusu mikataba ya WCB ambapo mapema wiki hii Mkurugenzi wa vipindi EFM, Sebo aliishauri kampuni hiyo kupitia upya mikataba ya wasanii wao kwani kitu ambacho kimetoka kwa msanii Rich Mavoko kwenda kulalamika BASATA hakikuleta picha nzuri kwa taasisi kubwa kama WCB.

Babu Tale amesisitiza kuwa Mikataba ya WCB ipo vizuri na wasanii wake wanaridhika na wanafanya kazi nzuri na ndio maaana wanatoa wasanii wakali na kazi zenye ubora:

Hatuna mpango wa kupitia mikataba wa wasanii wa WCB, mikataba ya wasanii wetu wote haina matatizo, kama unavyoona wasanii wetu wote wanafanya vizuri“.