Waigizaji Wa Bongo Movie Kukimbilia Siasa Ni Kukosa Kazi- Aunty Ezekiel

Muigizaji wa tathnia ya Bongo Movie, Aunty Ezekiel amefunguka na kudai kuwa kitendo cha wasanii wengi kujiingiza katika masuala ya siasa ni matokeo ya wao kukosa kazi za kufanya.

Kwenye uchaguzi wa uraisi wa mwaka 2015, tulijionea jinsi gani wasanii mbalimbali wa Bongo movie walivyojitokeza na kujiunga na vyama mbalimbali vya siasa lakini pia wengine si kujiunga tu walifikia hadi hatua ya kugombea nafasi mbali mbali za uongozi kama vile udiwani na ubunge. Wasanii kama Wema Sepetu na  Irene Uwoya walijaribu nafasi zao na kugombea nafasi za ubunge wa viti maalumu ingawa walikosa.

Kwenye mahojiano aliyoyafanya na Times Fm, Aunty Ezekiel alifunguka kuwa sababu kubwa inayopelekea wasanii hao kujitosa kwenye mambo ya siasa ni kwasababu za wao kukosa kazi zakufanya pamoja na umaarufu unaopelekea msanii akifanya kidogo tu anaonekana kama amejitoa sana upande huo.

Hii yote inatokana na kukosa kazi kwa sababu mwisho wa siku kazi zetu zimekuwa hazina ushindani yaani tumesimama katika Kazi zetu wenyewe kwaiyo tunajikuta hata kwenye yale ambayo hayatuhusu tunaenda kuyaingilia , na kwanini unaona bongo movie tu ndio wanashiriki kwenye mambo ya siasa , sio wao tu unaweza ukakuta wananchi wengi wanashiriki lakini kwa kiwa sisi ni public figure ukishiriki hata kidogo unaonekana umeshiriki pakubwa, lakini kwangu mimi kwa sasa nimejitenga na siasa”.

Mwaka 2015 kipindi cha uchaguzi mkuu Aunty Ezekiel na Wolper waliingia katika skendo mara baada ya kuhama Chadema na kuhamia CCCM ambapo baadae ilikuja julikana kuwa walilipwa donge nono la pesa kitendo kilichopelekea kubatizwa majina ya Yuda lakini Aunty amekiri kuiweka siasa pembeni kwa sasa.