Tag: Ommy Dimpoz news

Mwanamuziki wa Bongo fleva Ommy Dimpoz amefunguka kuwa hawezi kuzungumzia tena ishu yake inayomhusu mama mzazi wa mwanamuziki mwenzake Diamond Platnumz.

Ommy Dimpoz na Diamond ambao walikuwa marafiki wazuri mwanzoni hadi kushirikishana kwenye kazi zao mbalimbali waliingia kwenye vita kali ya maneno wiki chache zilizopita huku Alikiba naye akiwa katika timbwili hilo ambapo inasemekana kuwa ugomvi huo unatokana na wivu wa kikazi kati ya wasanii hao huku kila mmoja akijaribu kwa namba moja kwa nafasi yake.

Ugomvi huo uliishia kuzua makubwa kwani Ommy dimpoz kumuingiza Mama yake na Diamond kwenye sekeseke hilo kwa kudai kuwa ameshawahi kuwa na uhusiano wa kimapenzi na mama huyo na kumwambia Diamond amuite Baba kitendo ambacho kilimuumiza sana Diamond na kuishia kwenda kumripoti polisi na Ommy kuitwa kwa mahojiano.

Katika mahojiano aliyoyafanya na Bongo 5 Ommy Dimpoz alifunguka haya kuhusu kesi hiyo;

“Kuhusu ilo swala tulishasema tukiongelea tunakuwa tunarudisha mambo nyuma so hata management imesema bwana hayo mambo usizungumzie tena na wewe ujiulize tangia nimetoka safari mpaka nimerudi nimeshakutana na vyombo vya habari vingapi lakini hujaona nikizungumzia kwani nikiongelea tutaamsha hisia za watu kwaiyo inakuwa haijakaa sawa lakini yaliyopita yamepita”.

Lakini pia Ommy aliongezea:

“Central police nilienda kwa vitu vingine ndo maana polisi walisema kama kuna mtu anataka kujua tulikuitia nini aje atuulize mwenyewe hivyo siwezi kuzungumzia kwani ni vitu vya kisheria kwaiyo na mimi saivi sitaki tena kuvunja sheria, lakini hayo mambo yameshaisha lakini nilichoitiwa bado naenda polisi kuripoti kama kawaida lakini hatuko kubaya sana”.

Ommy Dimpoz anafanya vizuri na wimbo wake wa cheche , pia anafanya vizuri kwenye fiesta zinazoendelea kwa kufanya shoo kali.

Msanii wa bongo Fleva ambae saivi anafanya vizuri na kibao chake cha ‘Cheche’ kilichoshika namba moja katika channel ya Youtube, amekanusha taarifa zinazosambaa kuwa ana mtoto mdogo na mwanamke nje ya Tanzania (Marekani) . Hata hivyo kuna baadhi ya mashabiki  wamefikia hatua mpaka ya kumtuhumu kuwa mwanamke aliyezaa nae mtoto sio yule aliyekuwa anaonekana nae katika picha ziliyovuja kipindi cha nyuma ikimuonyesha yuko na mwanamke faragha.

Akiongea na kipindi cha eNews cha Televisheni ya EATV, Dimpoz alikanusha taaarifa hizo na kusema hawezi kuwa na mtoto alafu aache kutangaza ,akionyeshwa kushangazwa na taarifa hizo Ommy alianza kwa kuuliza “mtoto  yupi tena’  hata hivyo taarifa za Ommy Dimpoz kuwa na mtoto zilianza kuenea pale ambapo Ommy aliposti picha katika ukurasa wake wa instagram ukimuonyesha amemshika mtoto wa kiume

“Yule ni mtoto wa rafiki yake  , ni  Promota ,mimi ni kama Godfather, wa yule mtoto anaitwa Liber,ni mtoto wa promota anaitwa DMK, sema nilivyopost watu waliona sura zetu kama zinafanana watu wakasema mtoto wa Dimpozi , lakini kweli siwezi kujisingizia mtoto,lakini Mungu akijalia,  mimi sitaleta konakona kama wangu nitambandika tu watu wamuone “anasema Dimpoz

Imekuwa ni kama tabia kwa baadhi ya wasanii kutokuwa  wazi kusema idadi ya watoto walionao  au kuwakata kutoka kwa mama zao,huku kwa bongo msanii Hemed Phd pia anaonekana kuwa ni moja ya wasanii wenye watoto zaidi ya mmoja lakini amekuwa akimpost na  akimtumia mmoja tu katika umaarufu wake.

Hata hivyo Dimpozi alipoulizwa kuhusu kesi yake inayoendelea ambapo siku chache zilizopita alionekana  kituo cha polisi ,Ommy alikataa kuongelea swala ilo na kusema kama wanaitaji taarifa izo waende kituo cha polisi.Ommy alioneakana kituo cha polisi zaidi ya mara mbili kwa mahojiano huku sababu yeye kuwepo kituoni hapo  bado haijajulikana. Kumekuwa na tetesi ambazo hazijathibishwa kuwa ni kutokana na yeye kuposti picha ya mzazi wa msanii mwenzie ambae hawaelewani na kuandika maneno yasiokuwa na heshima.

Msanii wa bongo fleva Ommy Dimpozi anaetamba na nyimbo zake kama kajiandae aliomshirikisha alikiba lakini pia ametoa wimbo mpya hivi karibuni unaojulikana kwa jina la ‘cheche’  ameonekana maaeneo ya polisi kituo cha kati alipokwenda kwenye mahojiano kwa takribani zaidi ya saa tano.

Ommy Dimpozi jana septemba 13 alionekana kituo cha polisi majira ya saa tano asubuhi akiingia kituoni hapo huku akiwa ameongozana na watu wawili  katika gari aliyokuja nayo, hata hivyo kwa zaidi ya masaa matano Ommy Dimpozi hakuonekana kutoka mpaka mida ya saa 10:30 jioni , kwa mujibu wa waandishi wa habari ambao walikuwa kituoni hapo kufatilia press conference ya  kamanda wa polisi Mambosasa walisema walimuona Ommy Dimpoz akiingia kituoni hapo.

Hata hivyo jitihada zilizofanywa na waandishi wa habari wa Ayo tv za kumuhoji msanii huyo kuhusu uwepo wake kituoni hapo kwa zaidi ya saa tano , Ommy Dimpoz alijibu kuwa “ni mahojiano ya kawaida tu..tutaongea ila kwa sasaivi siruhusiwi kusema chochote” alisema Ommy Dimpozi  na kuondoka.

Kwa habari ambazo hazijathibitishwa ni kwamba inawezekana sababu ya Ommy kuwepo kituoni hapo kuhojiwa ni kutokana na post yake aliyoipost siku zilizopita hivi karibuni inayomuhusu mama Diamond, na kwa kumbukumbu ni kwamba wasanii hawa wawili walikuwa katika vita ya kimtandao ambayo ilifikia hadi kumhusisha mama mzazi wa Diamond., na bado haijafahamika bado  ni nani hasa aliyepleka kesi hiyo kituoni hapo kati ya familia ya Diamond au Diamond mwenyewe, lakini ilhali amehaidi kuliongelea swala ilo tunasubiri Ommy afunguke zaidi.

Hata hivyo, baada ya press conference , mkuu wa kituo hakuongelea chochote kuhusu msanii huyo kuwepo kituoni hapo.

Ni week chache zimepita tangu kuwepo kwa mfarakano wa team kiba na team diamond ambapo Ommy ni supporter mkubwa wa team kila ilhali katika kumbukumbu za awali  ommy dimpozi alikuwa mtu wa karibu kabisa sana wa  diamond platnumz na hakuna aliyewahi kufikiria kuwa kutakuwa na bifu zito kati ya wawili hao.

Diamond Platnumz, Alikiba na Ommy Dimpoz wamekua wakitupiana maneno yenye mafumbo katika mitandao ya kijamii tangu Diamond aliposhirikishwa katika remix ya ngoma ya Fid Q ‘Fresh’.

Bifu hio baina ya wasanii hao watatu ilifanya Ommy Dimpoz kuweka picha Instagram akiwa na mama mzazi wa Diamond na kuandika ujumbe wenye utata.

Aunty Ezekiel ambaye ni meneja wa zamani wa Ommy Dimpoz na dadake Diamond walitoa onyo kali kwa Ommy Dimpoz kukoma kumuingiza mamake Diamond katika ugomvi wake na Diamond.

Onyo hilo kutoka kwa dadake Diamond na mashabiki kadhaa ilichangia Ommy Dimpoz kuamua kuifuta post yake ya utata aliyoiweka kwenye Instagram.