Steve Nyerere Ameongelea Urafiki Wake na Wema Sepetu

Muigizaji wa Bongo movie na mwanasiasa Steven Nyerere amefunguka kuhusiana na urafiki na uhusiano wake na muigizaji mwenzake, Wema Sepetu.

Mapema mwaka huu kulikuwa na sintofahamu kati ya Wema na Steve Nyerere zilizotokana na kampeni za uraisi wa mwaka 2015, Hapo nyuma Wema, Steve na wasanii wengine wengi wa Bongo movie walipiga kampeni Chama cha mapinduzi (CCM) lakini habari zilikuja kutoka kutoka kuwa walilipwa fedha nyingi ili wapige kampeni hizo taarifa zilizoleta mkanganyiko lakini pia baada ya Wema kuhama chama cha CCM na kuhamia Chadema, mambo yalizidi kwenda kombo Kati ya Steve na Wema.

Alipohojiwa na Bongo 5 na kuulizwa kuhusu urafiki wake na Wema kwa sasa Steve alisisitiza kuwa Wema atabaki kuwa Wema kwake;

Mimi na Wema hatuwezi kuacha urafiki kwa sababu kwangu mimi Wema ni dada ni mtu ambaye tumesurvive naye tumehangaika naye kuhakikisha kwamba tunafika hapa tulipo na ni mzalendo kwaiyo mimi nataka kusema kwa sasa labda tumegawanyika tu kwenye vyama kwaiyo mimi nataka kusema kuwa Wema ataendelea kuwa Wema na Steve ataendelea kuwa Steve kwa sababu sisi wote ni binadamu na hujui kesho yako ukifa nani atakuzika yule ni Dada yangu na bado tunawasiliana na bado tunaendelea kupendana kama dada na kaka”.