Shamsa Ford aeleza kwanini hawezi ruhusu mumewe kumuongezea mke mwenza

Muigizaji wa filamu za Bongo Shamsa Ford amefunguka kuhusu kinyongo alichonacho ikikuja kwa swala la mumewe kuoa mke wa pili.

Akiongea kwenye FNL, Shamsa alisema kwamba hataweza kukubali mume wake kuongeza mke wa pili kama hataweza kumpa sababu maalum.

Mrembo huyo aliyekua kwenye uhusiano wa kimapenzi na Nay wa Mitego kabla ya kuolewa na Rashidi Said ‘Chidi Mapenzi’ alieleza kuwa anaamini anamtosheleza mume wake kwa kila kitu na kuwa Rashidi hana sababu ya kutaka kuoa mke wa pili.

“Wivu nilionao siwezi kukubali kuongezewa mke wa pili hata mume wangu (Rashid) anajua kwa sababu yeye mwenyewe ana wivu sana na mimi. Ukweli kabisa nahisi ninaweza hata kufa kwa presha nikiongezewa mke wa pili. Inabidi kwanza kabisa kabla ya kuniomba aoe, anatakiwa anipe sababu za msingi kwannii anaamua kufanya hivyo na ikiwa sababu zinamashiko na mimi nikazielewa basi nitamruhusu kwa kuwa dini inasema hivyo kwa sababu pia ni ibada. Lakini kama hazina msingi siwezi kukubali kwa sababu naamini namtosheleza kwa kila mtu na sina kasoro yoyote,” Shamsa alisema.