Romy Jones Afichua Jinsi T.I.D Alivyoomba Kazi Wasafi TV

Dj official wa Diamond Platnumz Romy Jones ambaye pia ni Kaka wa Diamond, amefungukia habari iliyoenezwa wiki iliyopita na msanii mkongwe wa Bongo T.I.D kuhusu kufanya kazi Wasafi Tv.

Wiki iliyopita Tid alizua gumzo baada ya kuachia screenshot ya maongezi yake na Romy Jones alipomuomba afanye moja ya droppings kwa ajili ya kuifanyia promo Wasafi Tv.

Tid alifanya ionekane kwa mashabiki kuwa Diamond na Romy Jones wanamlazimisha kufanya droppings hizo kwa ajili ya Wasafi Tv bila ruhusa yake mwenyewe ambapo kwenye mapngezi hayo aliweka wazi kuwa hataki kuhusishwa kivyovyote na Wasafi Tv.

Romy Jones kwenye maongezi aliyofanya na Bongo 5 amefunguka na kusema kuwa Tid aliweka habari ya uongo na alifuta baadhi ya text zilizokuwa kwenye maongezi ambapo alidai aliomba kazi Wasafi Tv.

Ilivyokuwa sisi kama marafiki, binadamu ndugu mimi kama mtu wa karibu wa Tid nikaona kwa sababu tunahitaji wasanii  kwa ajili ya droppings Za kutangaza Wasafi Tv nikaona kwanini mwanangu Tid asipate hiyo nafasi nikamtafuta kwa sababu kusema ukweli mawasiliano yamepungua kwa sababu mimi sahivi nafanya kazi WCB nashinda kule siku nzima maeneo ya Kinondoni siendi so nikampigia simu nikamwambia nakupigia sana simu yako haiendi labda ameni block sijui tuakaongea nikamwambia kuna watoto wa Wasafi Tv watakuja kukushoot akasema sawa Alafu akasema nina idea ya show mpya kwa ajili ya Wasafi Tv akasema nikija nimuone nani nikamwambia mimi Vice President au Diamond CEO sasa alivyoanika hizo text sehemu yake ya kuomba kazi akaitoa ila ndio sisi binadamu tuko tofauti”.