Rado: Wanawake Wa Bongo Fleva ni Wahuni Sana

Muigizaji wa Bongo movie anayetizamiwa kuja kuwa tishio kwenye tasnia hiyo Rado, amefunguka na kudai kuwa wasichana wengi kutoka Bongo fleva hawafai kuolewa na pia tasnia hiyo inaongoza kwa kuzalisha wasichana wahuni na masela.

Rado alifunguka maneno hayo mazito kwenye mahojiano aliyofanya na kituo cha televisheni cha East Africa kupitia kipindi Chao cha Enews ambapo Rado aliwavaa wasanii hao wa like na kudai kuwa wengi wao wamejaa wahuni tu kwenye tasnia hiyo:

Kiufupi tu hakuna mwanamke wa kuoa kwenye Bongo fleva, hakuna sababu yoyote ya sisi wasanii wa bongo movie na bongo fleva kuingiza malumbano yasiyokuwa na msingi lakini ifike wakati Tanzania na wanamuziki wajue brand ya tasnia yoyote ile inatengenezwa kwa kupitia mgongo wa Bongo movie, hawajui kuwa Bongo movie ndio inatengeneza wale models wanaowatumia katika nyimbo zao hata ukiangalia uzalishaji wa wasanii kati ya Bongo movie na Bongo fleva sisi ndio tunazalisha wasanii wengi wa kike kwa mwaka kuliko wao, sasa kama rapa anaitwa Chemical nani atamuoa yule si msela kabisa? Bongo fleva inazalisha masela tu lakini sisi tunazalisha warembo ambao wao wanawatumia kwenye video zao kwaiyo waheshimu tasnia yetu maana wengi wao wanatumia wanawake wetu kupata umaarufu. Msanii wa kike ninayemuona angalau atakuja kuwa msanii mkubwa wa kimataifa ni Gigy Money tu”.

Hivi karibuni kumeibuka mabifu Mengi sana kati ya Bongo movie na bongo fleva ambapo kila upande wanarusha maneno wakifai wao ni bora zaidi.