Prezzo Awachana Wasiopenda Penzi Lake Na Amber Lulu

Mwanamuziki Prezzo kutoka Kenya ameibuka tena na kuwachana wasiopenda penzi Lao yeye na videi queen maarufu Bongo, Amber Lulu.

Prezzo ambaye ameweka wazi wiki chache zilizopita kuwa ana uhusiano wa kimapenzi na mrembo Amber Lulu baada ya kuficha ukweli kuhusu uhusiano wao kwa kipindi kirefu kidogo.

Prezzo ambaye kwa mara ya kwanza alisemekana kuwa ana uhusiano wa kimapenzi na Amber Lulu baada ya kuonekana pamoja hoteli moja maarufu hapa Dar es Salaam wakilala kwenye chumba kimoja ingawa kwa muda ule aliendelea kukataa kwamba hana uhusiano naye.

Amber Lulu amekuwa akishika headline nchini Kenya baada kuingia kwenye vita ya maneno na mwanamuziki mwingine kutoka Kenya anayejulikana kama Noti Flow ambaye anadai pia ni mpenzi wa Prezzo ambapo siku chache zilizopita alidai kuwa Amber Lulu anajipendekeza kwa Prezzo akijua wazi kuwa ni mwanaume wake kwa kipindi kirefu.

Leo kupitia ukurasa wake wa Instagram Prezzo amewapa ujumbe wale wote wasiopenda penzi lake na Amber Lulu ambapo ameandika maneno haya;

Pilipili msioila yawawashia nini? Sisi tuko fresh kama chungwa #lulumafia #Rapcellency #Themakiniteam”.

Amber Lulu naye amezidi kuweka wazi hisia zake na kusema kuwa ana mapenzi ya kweli Prezzo japo kuwa wapo nchi mbili tofauti.