Ommy Dimpoz Afunguka Kuhusu Safari Zake za Nje Ya Nchi

Mwanamuziki wa Bongo fleva Omary Nyimbo maarufu kama Ommy Dimpoz amefunguka na kuongelea undani wake wa kupenda kusafiri nje ya nchi.

Moja kati ya mastaa wa Bongo  ambao wanaonekana kula bata sana nje ya nchi basi mmoja wapo ni Ommy Dimpoz kwani kila uchao utamuona nchi za nje akiwa anakula bata.

Miezi michache iliyopita tu Ommy Dimpoz alionekana kwenye mitandao ya kijamii akiwa nchini Uingereza alipoenda kwa ajili ya kuangalia mechi ya Manchester United Lakini pia ndani ya miezi michache tu ameonekana akiwa katika nchi kama vile Marekani, South Africa, Italy na kwingineko.

Lakini Ommy amefunguka na kusema kuwa watu wanavyomuona anasafiri sio kwamba anakula bata tu bali anakuwa anasafiri kikazi.

Kwenye mahojiano aliyofanya hivi karibuni na Bongo 5, Ommy Dimpoz amesisitiza anaenda nje ya nchi Kwa ajili ya Kushoot video za nyimbo zake ambazo anatarajia kutoa:

Safari zangu nyingine za nje watu wasifikirie naenda kufanya starehe, ni moja ya kazi kwa hiyo nimerekodi, nika-shoot video kama nne natakiwa ni-shoot nyingine Mwanza next week”.

Lakini pia Ommy Ameongeza kuwa kuanzia October mwaka jana alikuwa anarekodi nyimbo kwa ajili ya albamu yake ambapo amerekodi na producer wa hapa Bongo na wengine ndio amekuwa akiwafuata nje ya nchini.