Nikki Mbishi Awa-mind Wasanii Wanaotengeneza Muziki kwa Kiki

Msanii mkongwe wa muziki wa hip-hop nchini, nikki mbishi amefunguka na kusema kuwa amekuwa akichukizwa sana na wasanii ambao wamekuwa wakitengeneza muziki wao kupitia kiki ambazo muda mwingine zinakuwa hazina msingi wowote.

Nikki anasema kuwa wasanii wengi sasa hivi hawafanyi kazi kabisa zitakazo wavutia mashabiki, badala yake wanakuwa wanajiingiza katika maswala ya ajabu ili kupata kiki ili wimbo wake ukitoka basi aweze kupata mashabiki wengi kitu ambacho hawezi kukifanya katika kazi zake.

kuna wakati ulifika au sijui kama bado huo muda bado upo,matukio ya kisiasa yalianza kufunika matukio ya kimuziki mtu anatoa ngoma yako alafu anataka kusikia mambo yako mengine .

Akiongezea kuhusu uwepo wa matukio ya kisiasa kwa wasanii ,nikki anasema kuwa wasanii wengi wamejikuta wakijihusishwa na matukio ya kutekwa na kupotea ili anaporudi anakuwa tayari ameshatengeneza attention kwa mashabiki zake.

Ilifika sehemu ikawa kwamba mtu anaona kutekwa na kupotea kwenda kusikojulikana ndio kiki inayoweza kumfanya auze,inaonekana kama hiyo ndio dili ,kwaio kila mtu anajifanya kama vile ndio kapotea , katekwa , mara sijui kausishwa na mambo gani  na serikali ilimradi iwe hivyo tu.

Wasanii wengi bongo wamekuwa na tabia ya kutengeneza skendo kubwa itakayo muhusu yeye au watu wake wa karibu ili kuwavutia watu na kumfanya apate watu wengi watakao kuwa wanamfuta , hii inamfanya apat mashabiki wengi kiasi kwamba akiachia wimbo wake mpya inakuwa ni rahisi kuuza.Kitu ambacho Nikki Mbishi amekuwa akikipinga kabisa.

Hivi sasa Nikki Mbishi anafanya vizuri katika vituo mbalimbali vya radio na wimbo wake wa Nimekumiss.