Nay wa Mitego: Naendelea na Mziki Wangu Ule Ule Sina Mpango Wa Kubadilika

Mwanamuziki wa Bongo fleva Nay wa Mitego amefunguka na kuweka wazi kuwa hana mpango wa kubadilisha aina ya muziki anaofanya kwani ndio mziki unaopendwa na mashabiki zake.

Wiki chache zilizopita Nay wa Mitego alikuwa mmoja kati ya wasanii waliofungiwa nyimbo kumi na tano na BASATA kwa ukosefu wa maadili ya Kitanzania kwenye nyimbo hizo.

Nay wa Mitego alikuwa mmoja kati ya wasanii ambao waliofungiwa nyimbo mbili na BASATA hivyo utategemea kutokana na hilo basi atakuja kuchukua kila jitihada ya kufanya nyimbo sahihi ili zisifungiwe Tena lakini sivyo hivyo.

Nay wa Mitego ameweka wazi kuwa hana hata mpango wa kubadilisha mziki wake anaoufanya ili kuwa ridhisha BASATA kwani huo ndio mziki unaopendwa na mashabiki zake na kukubali kila hivyo nyimbo yake mpya anayotoa itakuwa hivyo hivyo.

Kupitia ukurasa wake wa Instagram Nay wa Mitego aliandika maneno haya kuhusiana na wimbo wake mpya unaoitwa ‘Amsha Popo’:

Mwandishi: Kesho unaachia wimbo mpya kuna mabadiliko gani katika wimbo huo mpya kuepuka kufungiwa tena?

Baba Yaga: Hakuna mabadiliko yoyote naendelea na mziki wangu ule ule Cox mashabiki zangu ndio wanaishi upenda na ndio walionipokea nao #Amshapoo”.