“Mwanangu Ameumia Baada ya Kumuona Baba Yake Kwenye Gazeti Akipelekwa Jela”- Faiza Ally

Muigizaji wa Bongo movie na Muigizaji maarufu wa Bongo movie Faiza Ally amefunguka na kueleza machungu yake baada ya mtoto wake kulia baada ya Baba yake kufungwa jela kwa miezi mitano.

Siku chache zilizopita Mbunge wa Mbeya mjini kupitia tiketi ya Chadema Joseph Mbilinyi ‘Sugu’ alihukumiwa na mahakama ya hakimu mkazi Mbeya kifungo cha miezi mitano jela baada ya kukutwa na hatia ya kumtukana raisi.

Sio siri kuwa Faiza na mzazi mwenzake Sugu hawajawahi kuwa na uhusiano Mzuri sio mara moja au mara mbili wamerushiana matusi na maneno ya kejeli kupitia mitandao ya kijamii.

Baada ya hukumu ya Sugu Faiza aliweka wazi kuwa hajaumizwa sana na hukumu ya Sugu kwani Kutokana na tofauti zao huwa na Amani zaidi pale Sugu anapokuwa amefungwa kuliko akiwa huru.

Tangu alipotoa kauli hiyo Faiza amefunguka kivingine huku safari hii akiweka wazi kuwa kauli ya mtoto wake kuhusu Baba yake ilimfanya afikirie mara mbili msimamo wake kuhusu Sugu.

Kupitia ukurasa wake wa Instagram Faiza alifunguka yafuatayo:

Jana Sasha alienda Dukani na dada yake akaja kuniambia Mama nimemuona Daddy Joseph kwenye gazeti anapelekwa jela, ndio nikajisikia vibaya sana nikajihisi nimekuwa mtu mbaya sana na mkatili kumtakia Baba Sasha mabaya na matatizo nilijaribu kuongea na mwanangu nikaona ama kweli uchungu unabadilisha watu, asili yangu sio ubaya bali uchungu umenifanya nisijali na nifurahie yaliyotokea milioni kama ni wakati wake na yeye kukutwa na majanga nimekosa raha na nimeamua kuandika haya”.