Mrembo Afunguka Lulu Diva Kumuibia Penzi La Mavoko

Ikiwa ni siku chache zimepita tangu kusambae kwa tetesi kuwa msanii Lulu Diva natoka kimapenzi na msanii mwenzie Richie Mavoko, mrembo mmoja ameibuka na kulalamika kuwa Lulu Diva amempora Rich Mavoko na hayuko tayari kukubaliana na hilo,

Mwanadada huyo anaejulikana kama @dayana_cutey katika instagram amesema kuwa mwanadada lulu Diva amemuibia mwanaume huyo ambae alikuwa nae kwenye mahusiano kwa muda mrefu na kwamba mwanadada Lulu Diva amemuibia mwanaume huyo kwa sababu anatumia fedha zake kuwapata wanaume.

Rich Mavoko na Lulu Diva walinaswa na kamera za waandishi wa habari wakiwa pamoja sehemu nyeti huku wakionekana katika mahaba mazito na baadhi ya watu wao wa karibu kuthibitisha kuwepo kwa mapenzi kati yao, ingawa Lulu Diva alikanusha taarifa hizo na kusema kuwa wana ukaribu wa kawaida tu.

Dayana anasema kuwa kitendo cha Lulu Diva kumpokonya mpenzi wake kimemuuma sana na atafanya kitu chochote kurudiana na mpenzi wake huyo ingawa Lulu anatumia fedha na kusema kuwa Lulu Diva sio chochote ni mshamba tu wa mjini.

Hata hivyo Dayana anaonekana kuwa karibu sana wa wasanii na familia ya Wasafi ambapo msanii Rich Mavoko anapofanyia kazi , na pia uthibitisho wa Dayana kuwepo kimapenzi na Rich Mavoko ni mkubwa kutokana na watu wanaoonekana ku-hang up na mwanadada huyo ni watu wa karibu na Rich Mavoko lakini pia katika ukurasa wa instagram wa mwanadada huyo ziko posti nyingi zinazomhusu Rich Mavoko.

Hii haitakuwa mara ya kwanza kwa Lulu Diva kusingiziwa kuwa nyaku nyaku wa mjini wa wanaume wa wasanii wenzie na alishatibisha mwenyewe kuwa marafiki zake wengi walikuwa wakimuona kuwa hawezi kukaa na bwana mmoja muda mrefu.