Meneja wa Diamond: Wasanii wanaibiwa kazi zao, wananyonywa bila kujua

Mmoja wa mameneja wa Diamond Platnumz amelalamika kuhusu jinsi ambavyo wasanii wa Bongo wanavyo nyanyaswa na makampuni.

Diamond ako na meneja watatu; Sallam SK maarufu kama Mendez, Babu Tale na Mkubwa Fella ambaye pia ni muanzilishi wa kundi la TMK Wanaume Family na Yamoto Band.

Mkubwa amedai kuwa muziki wa Bongo umechelewa kuwanufaisha wasanii kwa kipindi kirefu kutokana na kukosa mlezi wa kuuongoza.

Mkubwa amedai kuwa makampuni zinazidi kupata faida nyingi kupitia kazi za wasanii ilhali wasanii wenyewe hawanufaiki pa kubwa.

“Muziki wetu umekosa mlezi wa kuuongoza ndiyo maana unakuta Wasanii wanaibiwa kazi zao, wananyonywa bila kujua pa kwenda kupeleka malalamiko yao, Unaona watu wanauza kazi za wasanii kiholela,” Mkubwa Fella aliambia Bongo 5.