Mc Pilipili Akana Kutembea Na Nandy,Awataja Nicole Na Rose

Huku akionekana kuwa mwenye afya njema kabisa  mchekeshaji maarufu na mshereheshaji  Emmanuel Mathias ambae alikuwa amepata ajali ya gari mwezi uliopita amethibitisha kuwa na afya nzuri kwa sasa na anendelea vizuri huku akiwashukuru watu wote hasa mashabiki na wasanii ambao walikuwa wakimuombea ili aweze kukaa sawa kiafya.

Kwa kipindi alichokuwa katika matatizo hayo yalitokea baadhi ya maneno kuhusu mahusiano yake ya mapenzi na wasanii na wasichana warembo mbalimbali waliopo katika tasnia ya sanaa mmoja wapo alikuwa Nicole mwenyewe ambae alikubali kuwa alikuwa na mahusiano na mchekeshaji huyo,hata hivyo katika watu wote waliotajwa Mc Pilipili alikataa na kusema kuwa hakuwahi kuwa na mahusiano na msanii wa bongo fleva Nandy.

Mc Pilipili anasema kuwa ni kweli alishakuwa katika mahusiano ya kimapenzi na msani wa bongo movies Rose Ndauka na pia alishatembea na aliekuwa mshiriki wa Miss Tanzania 2014 na Miss Shinyanga Nicole Franklin Sarakikya katika nyakati tofauti tofauti lakini hakuwahi kuwa na mahusiano na msanii nandy.

Nandy amekuwa ni mshikaji tu kwa muda mrefu, na hakuna kitu cha zaidi ya urafiki,Rose Ndauka na Nicole Franklin ni kweli nilishatembea nao  lakini wote sipo nao kwa sasa  wote wamebaki kuwa marafiki wa kawaida-Aliongea Mc pilipili

Nicole Franklin akiwa katika pozi

Katika kumbukumbu za habari Mc Pilipili alishawahi kusema kuwa yeye na Nandy walikuwa katika mahusiano ya kimapenzi lakini ilipofika muda waliamua kukubaliana kuwa mbalimbali  kwa sababu kwa kipindi hicho wote walikuwa ni chipukizi na wageni katika tasnia ya sanaa, kitu ambacho walikubaliana kama wapenzi.

Lakini pia Nandy hakuwahi kutaka kuzungumzia mahusiano yake na Mc Pilipili ingawa inasemekana kuwa Mc Pilipili alikuwa ni mmoja wa watu kutoka Tanzania walikuwa wakifanya kampeni Tanzania za kumsapoti Nandy alipokuwa katika mshindano ya vipaji yaliyokuwa yakifanyika nchini Nigeria ambayo kwa kiasi kikubwa yalisaidia kuibua kipaji cha muziki cha Nandy.

mwanadada Nandy ,msanii wa bongo fleva anaefanya vizuri kwa sasa.