“Maisha Yangu Yanategemea Bongo Movie” Kilio Cha Shamsa Ford Kwa Wadau

Muigizaji wa Bongo movie Shamsa Ford ameirudish mada ya Bongo movie mezani huku safari hii akilia na wadau mbali mbali wa Sanaa na kuwasihi waifufue Bongo movie maana maisha yake yanategemea kazi hiyo.

Kwa miaka hii ya karibuni sio siri bali Bongo movie imepotea sio sawa sawa na ilipokuwa miaka mitano iliyopita ambapo kazi zilikuwa zinafanyika na mashabiki wa kununua filamu hizo walikuwepo lakini sasahivi hakuna mashabiki.

Shamsa Ford akiwa mmoja ya wasanii waliopata umaarufu kupitia kuigiza filamu hizo za Bongo movie amejikuta akisononeka na sekta hiyo ilipofikia kwani sasa haisikiki kabisa na waigizaji wengi wanajaribu kupenya kwenye Bongo fleva na wengine kujiingiza kwenye biashara nyingine.

Kupitia ukurasa wake wa Instagram, Shamsa ameandika ujumbe ambao amewataka wakongwe wa tasnia, madirector na hata wadau mbali mbali kufanya jambo ambalo litasaidia kufufua fani hiyo:

Jamani Johari Chagula, JB, Richie Mtambalike, Ray Kigosi, Cloud tafadhali jamani fanyeni kitu nyie ndio wenye Bongo movie please irudisheni kupitia nyie imetusaidia wengine kupata ajira na kuendesha familia zetu sasa hivi Bongo movie ilipo naumia kwa sababu Mimi ni mmoja wa watu ambaye naishi kuitegemea Bongo movie sio kama wale wanaosema hawaishi kwa kutegemea movie…please nawategemea wadau was”.