Lulu Diva Akumbwa na Skendo Ya Kutelekeza Mtoto Wake Kijijini

Mwanamuziki wa Bongo fleva Lulu Diva ‘Lulu Abbas’ au maarufu kama Diva Divanna amejikuta katika wakati mgumu baada ya kukumbwa na skendo ya kutelekeza mtoto wake wa kumzaa mwenyewe kijijini kwao.

Habari za chini chini zilizo era zimedai Lulu Diva ana kula bata na kuishi maisha mazuri mjini lakini inasemekana kuacha mtoto wake kijijini kwao Handeni Tanga.

Mtu aliyetoa taarifa hiyo ni jirani ameiambia Global Publishers kuwa Msanii huyo alizaa mtoto huyo mwenye jinsia ya kike miaka Sita iliyopita huko Handeni Tanga lakini inadaiwa jambo hilo ni siri kubwa ya familia yake kwani hata mpenzi aliyekuwa naye hajui hili na hapendi kuliongelea:

Ninavyokwambia huyo Lulu alipozaa mtoto huyu alimuacha kwa mama yake kwa muda mrefu sana yeye akaja Dar, lakini kamwe huwezi kumsikia akimzungumzia mtoto wake huyo kwa mtu yoyote wala kusema aliwahi kuzaa”.

Lakini chanzo hiko cha habari kilizidi kutiririka kuwa kutokana na mtoto huyo kukaa na bibi yake kwa muda mrefu  hamjui kama Lulu Diva ni kama yake akimuona anamuita dada jambo ambalo limedaiwa kupendwa na msanii huyo.

Baada ya habari hizi kuenea gazeti hili lilimsaka Lulu Diva ili kumuuliza kama tuhuma hizo alizotupiwa na jirani yake zina ukweli wowote ambapo Lulu Diva alikana kuwa na mtoto na kusisitiza kuwa hajatelekeza mtoto kijijini ila amesema watu wengi wanamfananisha mdogo wake na mtoto wake.