Jike Shupa Akumbwa na Skendo ya Kufuga Mateja Nyumbani Kwake

Video queen maarufu Zena Abdallah ‘Jike Shupa’ amekumbwa na skendo nyingine ambapo amedaiwa kufuga mateja wa unga au watu wanaotumia madawa ya kulevya nyumbani kwake.

Jike Shupa alijipatia umaarufu kwa mara ya kwanza baada ya kutokea kwenye video ya wimbo wa jike shupa ulioimbwa na Nuh Mziwanda ambao uliodhamiria kumponda mpenzi wake wa zamani Shilole.

Hivi karibuni Jike Shupa alikiri kuwa anaishi na mdogo wa Mbunge wa Bunda mjini Esther Bulaya, Deus Bulaya aliyeathirika na matumizi ya madawa ya kulevya ambapo anaishi naye nyumbani kwake maeneo ya Mwananyamala hospitali.

Lakini habari zilizolifikia gazeti la Ijumaa Wikienda kutoka kwa moja ya majirani wa jike Shupa anayeitwa Hassan zimedai kuwa amekuwa akiwafuga vijana hao kwa wingi bila utaratibu wowote nyumbani kwake:

Jike Shupa anawafuga mateja wengi sana kwa maana ana chumba maalumu kwa ajili yao na wengi ni wale wanaotumia dawa kwa ajili ya kuacha unga (methadone) watu wanadai kuna vitu anafaidika nao kwani watu kama hao kuna vitu wanapora na kumletea yeye kama mama yao”.

Alipotafutwa na Motomoto News na kuulizwa kuhusu tuhuma hizo Jike shupa alikiri kuwa ni kweli alikuwa anawasaidia vijana waliokuwa wanatumia methadone lakini kwa sasa wamesharudi kwao.

Jike shupa alishatuhumiwa kuwa alikuwa anafuga vijana ambao walikuwa wanajihusisha na mapenzi ya jinsia moja (Mashoga) siku za nyuma nyumbani kwake hapo hapo.