Irene Uwoya na Dogo Janja Kuhama Nyumba Kisa Masogange

Staa wa Bongo movie Irene Uwoya na mume wake staa wa Bongo fleva Abdul Chende maarufu kama Dogo Janja wamefungukia mipango yao ya kuhama nyumba waliokuwa wanaishi na marehemu Masogange.

Dogo Janja amefunguka na kuweka wazi kuwa hivi sasa wapo katika mipango ya kuhama nyumba hiyo ambayo walikuwa wanaishi na marehemu Agnes Gerald siku za nyuma.

Wapendanao hao walikuwa wanaishi maeneno ya Makongo Juu pamoja na marehemu Agnes ambazo yalikuwa makazi yake mpaka alipoaga dunia siku chache zilizopita.

Kwenye mahojiano aliyofanya na Risasi Jumamosi kwa niaba ya mkewe, Dogo Janja alisema kuwa hawawezi kuendelea kuishi hapo tena kwa sababu kwao itakuwa ni majonzi kila siku na hiyo ni kutokana na ukaribu waliokuwa nao kwa Masogange.

Kwa kweli mimi na mke wangu hatuwezi tena kuendelea kuishi Makongo Juu kwenye ile nyumba maana kwetu itakuwa ni simanzi tuu, Masogange alikuwa ni mtu wetu wa karibu sana na tulikuwa tukifanya vitu vingi pamoja, pia mke wangu atakuwa na huzuni sana akiendelea kuishi pale,”

Marehemu Masogange alikuwa na ukaribu sana Irene Uwoya ambao walikuwa marafiki wakubwa kwa miaka mingi.