Gigy Money- Nitapenda Mwanangu Akifuata Nyendo Zangu

Msanii wa Bongo fleva Gifty Stanford ‘Gigy Money’ amefunguka na kusema atapenda kama mwanaye atakuja kufunga nyendo zake hapo baadae akiwa mkubwa kwani anaamini kila yeye ni kioo cha jamii.

Gigy Money aliingia kwenye Sanaa kama mtangazaji na video queen lakini kitu kilichompa umaarufu mkubwa ni vituko vyake na kupenda kukaa uchi na kupiga picha za uchi zilizo make headlines.

Baada ya kupata umaarufu huo Gigy aliingia kwenye Sanaa ya kuimba muziki ambapo alipata mafanikio ya mara moja baada ya kutoa wimbo wake ‘Nampa papa’ ambao ulikuwa bonge moja la hit na kumuweka katika ramani kama msanii wa Bongo fleva.

Miezi michache iliyopiata Gigy Money alitangaza kuwa ni mjamzito na mara moja Gigy amesema anaamini kuwa atakuwa mama mzuri na tofauti na wazazi  wengi ambavyo wangependa watoto wao wajifunze Kwenye mazuri yao na waache mabaya yao waliotenda Gigy kasema atapenda kama mtoto wake akifuata nyendo zake.

Kwenye mahojiano aliyofanya na Global Publishers Gigy Money alifunguka haya kuhusu mtoto wake anayetegemea kujifungua mwezi huu:

Mimi naamini mimi ni kioo cha jamii kwaiyo nitapenda endapo mwanangu atafuata nyendo zangu kama zinalipa na kuingiza pesa Tena nitamsapoti sana na nitafurahi kama mtu atakayechukua nafasi kama Gigy wa pili atoke kwenye tumbo langu mimi”.

Gigy MOney amefunguka na kusema anategemea kuzaa mtoto wa kike na anaamini kuwa atakuwa mama mzuri kuliko watu wengi wanavyo mfikiria kuwa hatakuwa mzazi bora kwa binti yake.