Gigy Money- Marafiki Zangu Walinishauri Nitoe Mimba

Msanii wa Bongo fleva Gift Stanford maarufu kama Gigy Money aliyejifungua mtoto wake wa kike anayeitwa Myra wiki chache zilizopita amefunguka mambo aliyopitia kipindi cha ujauzito wake ikiwemo kupewa ushauri wa Kuutoa ujauzito huo.

Kwenye mahojiano aliyofanya na Dizzim Online, Gigy Money amesema kwa kipindi kirefu alikuwa njia panda juu ya ujauzito wake maana ulikuja kipindi kibaya ambacho hakutegemea na hivyo baadhi ya Mashoga zake kumshauri atoe:

Kwangu mimi ilikuwa ngumu kukubali kuzaa na kuwa mama maana ndio wimbo wangu wa papa ndo ulikuwa unahit vibaya mno hadi marafiki zangu wakawa wananiambia hiyo mimba yako bora utoe yaani unazaa mwanangu? Hivyo yaani lakini mimi moyo wangu ulikuwa mzito ningeweza kufa labda”.

Gigy pia amefunguka kuhusu ugomvi wake aliokuwa nao na Baba mtoto wake ambapo aliwahi kumtuhumu kwa kumpiga kipindi cha ujauzito na kumnyanyasa mambo aliyodai yalitokana na hasira zake na wivu wake mwenyewe.