Gigy Money Amejibu Tuhuma Za Kudanganya Ana Mimba Kubwa Ili Serikali Imuhurumie
Msanii wa Bongo fleva, Gifty ‘Gigy Money’ amefungukia tuhuma zilizomkabili za kudanganya ni mjamzito ili tu aonewe huruma na waziri wa habari Mh. Juliana Shonza.
Wiki iliyopita Waziri Juliana Shonza aliuwasha moto baada ya kuwataka wale wasanii wote wanaovaa mavazi ya utupu kuwasili ofisini kwake na baadhi ya wasanii aliowataja ni Preety Kind, Gigy Money na Sanchoka ambapo Pretty Kind aliishia kufungiwa kufanya mziki na kazi zozote za sanaa kwa muda wa miezi sita.
Baada ya Gigy Money kuwasili Basata siku husika alionekana akiwa ni mjamzito na tumbo lake likiwa ni kubwa tu na mwenyewe alieleza kuwa ana ujauzito wa miezi Saba na alipoulizwa ni kwa nini alifanya siri alidai kuwa aliogopa kutangaza maana angepigwa juju.
Lakini baada ya haabari hiyo ya mimba kusambaa mtandaoni stories mbali mbali zilizuka huku watu wengi walidai kuwa mimba ile ilikuwa ya uongo alivaa matambara tu ili atakapo tinga BASATA wamuonee huruma kumfungia mama mjamzito.
Gigy Money alikiri Kuwa hakukusudia kuwajulisha watu kuwa alikuwa mjamzito kwani isingekuwa waziri Juliana Shonza kumuita basi katu wasingejua kuwa alikuwa mjazito kwani hakuwa na mpango wa kumwambia mtu.
Gigy Money alifunguka haya alipofanya mahojiano na EATV:
Kwanza mumshukuru yule waziri maana msingeuona, huwa sipendi kabisa kuongelea masuala ya ujauzito wangu ila siku ile ilitokea tu Bahati mbaya wati wakauona, halafu hao wanaosema nimeweka mimba feki ili serikali inionee huruma Mimi nina undugu na serikali? Halafu kama mtoto anaokotwa subirini wangu nami ntamuokota”.
