Feza Kessy Aweka Pembeni Utangazaji na Kuangalia Zaidi Muziki

Msanii wa Muziki wa Bongo fleva Feza Kessy amefunguka na kuweka wazi kuwa ameamua kuachana na utangaziji wa radio na kuweka nguvu zake zaidi kwenye Muziki.

Feza alipata umaarufu mwaka 2013 baada ya kushiriki katika shindano la Big Brother Africa Lakini pia amekuwa akisikika kama mtangazaji wa Choice Fm.

Kwenye mahojiano na gazeti la Ijumaa, Feza ameweka wazi nia yake ya kufika mbali zaidi kimuziki na kufukia uamuzi wa kuweka utangazaji pembeni ili ajikite zaidi Kwenye muziki:

Kiukweli ni ngumu sana kufanya muziki ukiwa pia mtangazaji. Ilikuwa inanighalimu, lakini kwa sasa nimeamua kupiga chini utangazaji na kudili na muziki kwa kiasi kikubwa“.

Lakini pia Feza ameanika zaidi mapenzi yake kwa Muziki kuliko kitu kingine chochote:

 Muziki upo kwenye damu zaidi na ni naamini sina mshindani, yaani Feza anashindana mwenyewe. Hakuna ninayeshindana naye zaidi”.

Feza ameachia wimbo uitwao Simple, aliomshirikisha Dammy Krane, wimbo ambao unafanya vizuri kwenye media mbalimbali Bongo.