Diamond afunguka kuhusu mimba ya Hamisa Mobeto na vita yake na Zari

Ujauzito wa Hamisa Mobeto umezua utata kwani wambeya wanadai kuwa Diamond Platnumz ndo amempachika mimba mrembo huyo.

Wiki jana mbeya Soudy Brown alimpigia simu mamake Diamond Sanura ‘Sandra’ Kasim kudhibitisha kama ni ukweli kuwa Hamisa Mobeto amebeba mtoto wa Diamond tumboni.

Soma pia: “Napatana na Zari aliyeniletea watoto hao wengine siwajui” Mamake Diamond amkana Hamisa Mobeto

Akiongea katika kipindi cha XXL ya Clouds FM jana, Diamond alikana kuwa yeye ndo baba wa mtoto aliye tumboni mwa Hamisa Mobeto.

“Hizo zote ni za uongo, mama T pia anajua ni story ya uongo. Naskia kwamba ni mjamzito, sasa mjamzito pia watu wameunganisha hio story ikawa ni mimba yangu. Story zinazungumzwa mimi siwezi kufanya kitu chochote,” Diamond alisema.

Staa huyo pia aliguzia ishu ya Zari kuonekana akiongelea kwa spa na mwanaume aliyekuja kugunduliwa kuwa binamu wa Ivan Ssemwanga.

Diamond alieleza kuwa alikusudia kuweka picha ya Zari na Edwin Lutaaya kwenye Instagram kwani alidhani kuwa mkewe ako na uhusiano wa kimapenzi na Edwin.

“Nlikua nimekusudia, unajua…upande mwingine mimi ni binadamu kama binadamu wa kawaida mimi pia nakua naskia uchungu na maumivu. Na katika mahusiano yangu yote nshakuwa nayo basi mahusiano ya Zari nimejitahidi kujitoa sana kwa kila hali na mali. So nlikutana na ile picha kwenye mtandao sikuelewa…mi kwanza nkajua ime editiwa. Ehh nkampigia simu nikamwambia “mbona kuna picha nimeiona hivi na hivi”. Akaniambia “bwana huyo ni shemeji wangu, hapo pia tulikua na wife wake lakini kutokana na kwasiko kwa maji inaonekana kama kanikumbatia lakini haikua hivyo”. Mi nikapanic nkaona kama huyu mchongo tu yani ni kama anajifanya, anajitetea. Nkamwambia “kwa hio mbona hujaiposti kwenye account yako imetokea kwa watu wengine tu, imekuaje?”. Nkamwambia “ulikua unataka boost, unataka kiki au vipi kwasababu mimi ntakupa kiki ntakupost kabisa ili isambazike mtu aone dunia, si unataka kila mtu aone?” Kwa hivo nkaposti, kwa hivyo baada ya kuposti alikua ofisini akarudi haraka amekuja amepagawa ndo kaja na zile picha “ si unaona nlikua na huyu wife wake na nini na nini…na huyu wife wake ndo alinipiga picha kwa hivyo na hivi na hivi…. Baada ya kunionyesha ndo nkatoa ,” alisema Diamond.

Tazama mahojiano hayo hapo chini:

https://www.youtube.com/watch?v=xnxcRkq6_34