Brown Amefunguka Sababu Iliyopelekea Kumwagwa na Wolper

Mwanamitindo wa mavazi Bongo aliejizolea umaarufu kwa kutoka kimapenzi na muigizaji maarufu wa Bongo movie Jacqueline Wolper amefunguka na kueleza sababu iliyompelekea kumwagwa na mrembo huyo.

Wolper na Brown walitengeneza headlines mwaka jana baada ya kuweka wazi uhusiano wao wa kimapenzim Wolper alianzisha uhusiano na Brown baada ya kuachana na mpenzi wake Harmonize aliyekuwa naye kwa kipindi cha miaka kadhaa.

Wawili hao walipitia kipindi kigumu katika mapenzi yao kwani ni mara kwa mara walikuwa na kawaida ya kuachana na baada ya muda mfupi wana rudiana tena na kuendeleza mapenzi yao.

Mwishoni mwa mwaka Jana baada ya kuwa pamoja kwa miezi michache habari zilisambaa kwenye mitandao ya kijamii kuwa Wolper na Brown wameachana ingawa hakuna hata mmoja aliyeongelea uhusiano huo. Siku chache baadae kwenye sherehe yaje ya kuzaliwa Wolper alithibitisha kuwa yeye na Brown hawapo panoja tena.

Wiki iliyopita Wolper alishangaza wengi baada ya kutangaza kuwa amepata mchumba ambaye anaenda kujitambulisha kwao na kufunga ndoa hii ikiwa imepita mwezi mmoja tu tangu alipoachana na Brown.

Brown amefunguka na kuweka wazi sababu iliyompelekea yeye kumwagana na Wolper na kusema yeye ndiye aliuemkosea binti huyo na kila alipotaka kumuomba msamaha hakutaka kumuelewa.

Brown alifunguka hayo kwenye mahojiano aliyofanya FNL ya  East Africa TV Brown amedai kuwa true na Wolper walikuwa na ugomvi uliosabashwa na yeye mwenyewe lakini kila alipojaribu kumuomba msamaha hakutaka kumuelewa.