Bonge la Nyau Kujaribu Bahati Yake Kwa Khadija Kopa

Msanii wa Bongo fleva Lameck Philipo maarufu kama Bonge la Nyau amefunguka na kuweka wazi mipango yake ya kufanya Muziki na Malkia wa taarabu Khadija Kopa.

Bonge la Nyau aneweka wazi kuwa uamuzi wake wa kufanya Muziki na Khadija Koppa umetokana na kwamba anataka kuleta ladha tofauti katika muziki wa Bongo fleva.

Kwenye mahojiano na Global Publishers , Bonge la Nyau alisema kwamba kwa ujio huo ambao siku yoyote kuanzia sasa atauachia atawapa nafasi mashabiki wa muziki wake na wale wa Taarab kufurahia muziki mzuri na kuona namna ‘chemistry’ ya Hip Hop na Taarab inavyoweza kufanya kitu ‘amaizing’.

Watu wanaweza kufikiri nimefanya Taarab pia kwenye kolabo yangu na Khadija Kopa, lakini si hivyo, tumefanya kitu tofauti na kitaleta matokeo tofauti kwenye gemu ambayo yatawashangaza wengi”.