Ruby Akiri Kutengeneza Picha Za Shepu Feki Ili Kutafuta ‘Kiki’

Mwanamuziki wa Bongo fleva, Ruby amefunguka na kukiri kuwa mbinu nyingi za kupata kiki mtandaoni kwa wasanii bila kukaa uchi mojawapo ni njia yake aliyoitumia wiki chache zilizopita ya kutengeneza picha za shepu feki.

Wiki iliyopita Ruby alizua gumzo mtandaoni baada ya kurusha picha kwenye ukurasa wake wa Instagram akiwa na makalio makubwa kupita kiasi tofauti na umbo dogo la Ruby lililozoeleka na watu.

Baada ya picha hizo kusambaa maneno Mengi yalizuka huku wengine wakidai pica zile ni za kutengeneza huku wengine wakidai kuwa Ruby amekunywa dawa za kichina kuongeza msambwanda use mkubwa tofauti na zamani.

Kwenye interview aliyofanya siku chache zilizopita Ruby amesema zipo njia nyingi za wasanii kupata kiki kuliko kupiga picha za utupu na kudhalilishana na badala yake wanaweza kutumia njia aliyofanya yeye kwa kutengeneza umbo lake.

Ruby amedai kuwa kwa kupitia simu yako mtu unaweza ukajiremba kwa jinsi ambavyo utaweza kusababisha mashabiki zake waendelee kumfatilia na hata kumjadili:

Zile picha zenye kunionyesha umbo kwanza alinitengenezea shabiki yangu akanitumia kisha mimi nikaona niiweke mtandaoni kama somo new wasanii wenzangu ili kuwaonyesha kuwa unaweza ukafanya kitu kama kile na ukapata attention uliyokuwa unaitaka. Badala ya kupiga picha za utupu na sasa serikali ipo macho siyo vizuri napenda tuwe wabunifu”.

Hivi sasa imekuwa kawaida kwa wasanii Wa Bongo fleva na Bongo movie kufanya matukio mbali mbali ili wapate attention ya watu mitandaoni ili waendelee kukaa kwenye chati kitendo hicho kinaitwa ‘Kiki’.