Christian Bella Amekana Kwa Nguvu Skendo Ya Kutumia Madawa Ya Kulevya

Msanii mkongwe wa Dansi nchini Christian Bella ‘Obama’ amekataa na kutupilia mbali skendo iliyomkumba hivi karibuni ya kwamba ni mtumiaji wa madawa ya kulevya.

Kuanzia mapema wiki hii kuna habari nyingi zilisambaa kwenye mitandao ya kijamii kutoka kwa wasamaria wema waliodai ni watu wanamfahamu Christian Bella walisema kuwa wana taarifa za kumshuhudia msanii huyo anatumia unga/ madawa ya kulevya.

Taarifa hizo zilienea Kama njugu mawe lakini haraka haraka Christiana Bella alizitupilia mbali tuhuma hizo na kudai kuwa hazina mashiko yoyote na habari hizo zimrsambazwa na watu wasiomtakia mema na hakuna lingine lolote lakini pamoja na hayo amedai hawezi kumlaumu mtu aliyesambaza habari hizo.

Kwenye Interview aliyofanya na kituo kimoja cha habari Christian Bella amesena hawezi kujiingiza kwenye anasa ya kutumia madawa ya kulevya kwani anajua mwisho wake na yeye anajielewa majukumu yake:

Mimi ni baba nina familia kubwa sana na majukumu Mengi siwezi nikajiingiza huko kwenye starehe za vijana japo mimi pia ni kijana, najua ni watu wenye chuki na mimi ndio wanasambaza uzushi huo lakini siwezi kumlaumu wala kuumia kwani najua nilipotoka nilikatishwa Sana tamaa mpaka leo nimefika hapa na ninajua nuna maadui Mengi hivyo sijashtushwa na habari hiyo”.

Bella amewahakikishia mashabiki zake kuwa kamwe hawezi kujiingiza kwenye matumizi ya madawa ya kulevya na sababu alikosa kufanya show mbili ni alikuwa anaumwa na walasio uteja kama ilivyozushwa.