Wema Sepetu Kufunga Kizazi Akifika Miaka 30

Swala la kuwa na mtoto ni jambo jema na kila mtu amekuwa na hamu ya kuwa na mtoto, Wema Sepetu ni moja ya wasanii maarufu ambao wamekuwa wakiangaika na kutamani  kupata mtoto kwa muda mrefu, ni mengi yamesema juu yake lakini amekuwa hakati tamaa kwa hilo.Ingawa hayupo katika ndoa lakini amekuwa akiomba kila siku kupata mtoto kama ilivyo kwa wasanii na marafiki zake wengine.

Alishawahi kutoa kiapo kuwamba endapo atafikisha miaka 30 , mwenyezi Mungu hajampatia mtoto basi hana budi kufunga kizazi,  mashabiki wengi wamekuwa wakisema kuwa inawezekana yakawa ni maneno ya kukataa tamaa hasa baada ya kuomba kwa muda mrefu kupata mtoto na akashindwa kupata.

Wema Sepetu amethibitisha na kuirudia kauli yake hiyo na kusema kuwa kiapo chake cha kufunga kizazi baada ya kutimiza miaka 30 kipo pale pale wala hajabadilisha mawazo yake.

Mwaka ndo hivyo unaisha,lakini ahadi yangu iko palepale, kama kweli sitanasa ujauzito mpaka nafikisha miaka 3o kamili  lazima nifanye nilivyohaidi  na ntakwenda kuasili mtoto. -Alisema Wema Sepetu

Wema Sepetu amefikisha miaka 29 mwaka huu October, hivyo mwaka unaofuata atakuwa na miaka 30.