Ali Kiba- Mimi na Diamond Tuna Tofauti Kubwa Sana

Mwanamuziki wa Bongo fleva Ali Kiba ameibuka na kuongelea mziki wake na kulinganishwa na mwanamuziki mwenzake Diamond Platnumz na kufunguka kuhusu bifu linalosemekana kuwa lipo baina yao.

Diamond na Ali Kiba ni wasanii wakubwa sana Tanzania na ninaweza kuthubutu kusema kuwa ndio wasanii maarufu zaidi Tanzania na ndio wasanii maarufu zaidi nchini kwa sasa.

Lakini uhasama uliopo baina yao pia ni mkubwa kwani wawili hao wameshawahi kuingia kwenye vita mbali mbali za mtandaoni lakini chanzo kikubwa cha ushindani wao ni ushabiki wa washabiki ambao wanajiita ‘Team Diamond’ na ‘Team Kiba’ ambao kila mtu  hukaa upande wake na kumshabikia msanii anayevutiwa kwani sio siri kuwa wasanii wote ni wakali.

Kwenye mahojiano aliyofanya siku za nyuma kidogo na LilOmmy, Alikiba alifunguka na kuongelea ushindani wake na Diamond lakini pia aliongelea mgawanyiko wa mashabiki wao:

Kitu ambacho chenye kuangaliwa sana lazima kiwe na upenzi ndani yake na kama ushabiki upon huwezi kuuingila kama msanii na wala hauwezi kuvunjwa na mimi siwezi kufanya chochote juu ya wanachofanya mashabiki kwaiyo na Mimi nafarijika kujua napendeka na watu fulani na kuna sapoti wananipa. Mimi na Diamond tuna utofauti mkubwa sana kuanzia jina, appearance na vitu vingine vingi lakini kama kumchukia simchukii sijawahi kuwa na urafiki na yeye ila nilishawahi kuwa na urafiki na Dada yake ambaye nilifanya naye ngoma inaitwa ‘wajua’ enzi hizo tuko wote G-records na Diamond alikuwepo pale kama mdogo wangu ingawa hayo sitaki kuyaongelea sana”.