Martin Kadinda Kafunguka Kuhusu Lipstic Za Wema Kupigwa stop

Mwanamitindo Martin Kadinda ambaye ni meneja na rafiki wa karibu wa muigizaji wa Bongo Movie, Wema Sepetu ameongelea suala la lipstic zinazojulikana kama ‘Kiss by Wema’ za mwanadada huyo kupigwa stop mapema wiki.

Mapema mwanzoni mwa wiki hii habari zilienea kuwa serikali  kupitia mamlaka ya dawa na chakula (TFDA) pamoja na Shirika la viwango nchini (TBS) limezifungukia bidhaa za Wema kwa kile walichodai kuwa rangi hizo za midomo hazina viwango vyovyote na pia hazina ubora kwa matumizi ya binadamu.

Baada ya taarifa hizo kuenea kwa kasi ya ajabu mtandaoni Martin amefunguka na kudai kuwa yeye kama meneja wa Wema hana taarifa hizo. Kwenye mahojiano aliyoyafanya na TVE  Martin amefunguka kuwa wao walikuwa na vibali vyote kutoka TFDA na TBS kwa ajili ya kuzalisha na kuuza bidhaaa hizo kwa hiyo haelewi taarifa hizo zinatokea wapi:

Hatuna taarifa kwa sababu vibali vyote vipo na tunavyo na bidhaa hizo za lipstic zimeshaenda sokoni na zilishaisha, kwa hiyo sisi kama sisi hatuna tena bidhaa hizo zipo sokoni, kama ni mtu aliamka akaamua kuandika hayo na kutangaza ninachoweza kusema ni all the best kwake sisi mzigo ulishakwisha Wema alitengeneza products za kwanza na sasa anakuja na products nyingine”.

Tangu skendo hii itokee ya kufungiwa bidhaa zake watu mbali mbali wamekuwa wakiongea na kudai kuwa kuna mtu anayemfanyia Wema mchezo mchafu ambao unahusishwa na mambo ya kisiasa.