Gigy Money Agoma Kumuomba Msamaha Mjumbe Baada Ya Kumtukana (Video)

Msanii anayetamba na wimbo wake wa ‘papa’ Gigy Money anayejulikana zaidi kwa vituko vyake vya kila siku aliingia kwenye vichwa vya habari mapema wiki hii baada ya video kusambaa akiwa anagombana na kumtukana mjumbe wa nyumba kumi katika mtaa anaoishi.

Baada ya kusambaa kwa video hiyo watu walimjia juu na kudai kuwa kumtukana mama mtu mzima kiasi kile ni kukosa adabu kwa sababu yule mama anafaa kuwa mama yake kwani Gigy alimpiga singi, alimuokotea mawe na kutishia kumpiga na matendo mrngine ya dharau. Kwenye mahojiano na East Africa Tv, Mama huyo mjumbe alilalamika kuhusu kutukanwa na Gigy Money;

Yaani Gigy akaanza kunitukana wewe nani na umekujaje hapa? nikamwambia dada mimi ni mjumbe utakapopata tatizo lolote lazima upate barua kutoka kwangu lakini aliendelea kunitukana na kunitishia kuwa baba yake ni polisi”.

Kwenye mahojiano aliyofanya na East Africa kupitia kipindi cha 5Select, Gigy alipoulizwa kama atamuomba msamaha yule mjumbe mama mtu mzima alifunguka:

Kwanza kabisa sijafikiria kumuomba msamaha na pia kuna watu wanachukulia kuwa ukishakuwa kioo cha jamii kila kitu inabidi utupiwe! hapana yule mama mimi amenikosea sana kwa sababu ameniletea waandishi wa habari nyumbani kwangu hiyo ilikuwa mara ya nne unajua yule mama ana kashfa alafu ana maneno ambayo akikuongelea lazima utapanick kwaiyo pale nilipanick”.