Wolper Azima Tetesi Za Yeye Kuachana na Mpenzi Wake

Mwigizaji wa Bongo movie Jacqueline Wolper amevunja ukimya na kuzima tetesi zote zilizodai kuwa yeye na mpenzi wake Brown wameachana.

Tetesi za Wolper kuachana na Brown zilianza kuvuma mapema wiki hii baada ya wawili hao kufuta picha zao za pamoja kwenye kurasa zao za Instagram, pia inasemekana kuwa Brown alifuta tatoo aliyojichora.

Katika Mahojiano aliyoyafanya na East Africa televisheni Wolper aliweka wazi kuwa pamoja kuwa kuna vitendo vingi vinavyashiria kuachana kwa wawili hao ikiwemo kufutwa kwa baadhi ya picha na kutokumposti mara kwa mara kama siku za nyuma hii ni kutokana na mikataba ya kazi waliyoingia

Wolper alifunguka yafuatayo;

“Watanzania wamezoea sana Instagram, usipomposti bwana ako basi mmeachana, hawajui hata kama watu mmepata deal, mmeingia mkataba hautakiwi kuweka mapicha ya mapenzi, mpaka wanataka utoe siri sasa kabla ya muda, kuna issue siwezi kuiongelea, hivyo hakuna kitu kama hicho kikiwepo ntaongea”.

Habari hizi za Wolper kuachana na Brown zilizidi kushika kasi pale ambapo Wolper alionekana akipeana mkono na mpenzi wake wa zamani Harmonize kwenye sherehe ya birthday ya Diamond ambapo mpenzi wake Brown hakuudhuria pia.