Z’anto Adai Wimbo Wake Mpya Mkali Anaweza Kumshusha Tena Ali Kiba

Msanii Mkongwe Z’anto anayejulikana kwa vibao vyake kama ‘Binti kiziwi’ na ‘jini’ vilivyofanya vizuri kwenye chati ameibuka na kudai wimbo wake mpya uitwao ‘kacheze Unakochezwaga’ ni wimbo mzuri na watu wategemee mambo makubwa.

Katika mahojiano aliyoyafanya na Bongo 5 Z’anto alidai kuwa hapo nyuma ameshawahu kuwashusha wasanii wakubwa kama Ali Kiba na Matonya kutoka kwenye chati name kuongoza yeye hivyo watu wategemee matokeo hayo hayo.

Z’anto alifunguka kama ifuatavyo;

“Huu wimbo wangu mpya unaoitwa kacheze unakochezaga utaibua mengi lakini pointi yangu kuu ni kuufikisha ujumbe na ninachokiamini kuwa kila nilichokiongea humu ndani ni cha ukweli na ndo ninachokiamini so atakayeumia aumie lakini hali halisi ndo iko hivyo”.

Pia aliendelea kusema;

“Wimbo huu umeelezea vitu vingi vinavyohusiana na maisha yangu binafsi kupotea kwangu katika gemu na kurudi kwangu na maisha ya sanaa ambayo yalikuwa yanaendelea kipindi mimi sipo katika gemu”.

Z’anto amesisitiza kuwa wimbo huo ni mzuri na wa kipekee na kama aliweza kuwatoa wasanii wakubwa kama Alikiba na Matonya waliokuwa wanatamba kipindi cha nyuma basi ana uhakika atawapita wasanii wengine sasa na kutawala chati mbalimbali za redio.