Linah Afungukia Mipango Yake Ya Watoto Watatu

Msanii wa Muziki wa Bongo fleva Linah Sanga amefunguka na kuelezea mipango yake ya kuongeza watoto wengine siku za mbeleni.

Linah ambaye tayari ni mama wa mtoto mmoja mwenye umri wa mwaka mmoja amesema anataka kuongeza watoto wawili ili kuwa na watoto watatu hapo baadae.

Kwenye mahojiano na  Risasi Jumamosi, Linah alisema kuwa, atazaa watoto watatu kwani ndiyo anaotamani kuwa nao na kwamba baada ya mtoto wake aitwaye Paris kufikisha miaka miwili ‘atafyatua’ mwingine.

Maisha bila watoto ni magumu, pamoja na kazi yangu ya muziki ninahitaji kuwa mama bora, hivyo nitazaa kama wanawake wengine,” alisema Linah ambaye ameomba mashabiki wake wapokee vema nyimbo yake kwani si ya kuikosa“.

Linah ambaye ameachia wimbo wake wa ‘Nikoleze’ juzi kati na kuachia picha matata mtandaoni iliyowatoa udenda baadhi ya wanaume wakware, alieleza kuwa anapenda sana watoto hivyo mmoja hatoshi.