Roma- Ndoa Haiwezi Kunifelisha Kimuziki

Msanii wa muziki wa Bongo fleva anayetamba na miondoko ya Hip Hop, Ibrahim Musa maarufu kama Roma Mkatoliki ameibuka na kudai kuwa kama msanii sio lazima ufelishwe na ndoa.

Imekuwa jambo la kawaida kwa wasanii wengi Kwenye tasnia hii kupotea katika muziki au sanaa nyingine mara tu pale wanapoingia ndani ya ndoa iwe mwanamke au mwanamke.

Kutokana na dhana hiyo imekuwa ikidaiwa kuwa msanii hawezi kufanya muziki kama yuko ndani ya ndoa au kama akishaoa au akishaolewa basi atapotea Kwenye muziki.

Kwenye mahojiano na Global Publishers, Roma kwa upande wake amekataa dhana hiyo na kuweka wazi kuwa kila kitu ni kujipanga ingawa kuna changamoto katika ndoa lakini hawezi kuacha muziki bali anazipigania.

Changamoto ni nyingi, lakini ili kuziepuka wakati wa kazi huwa ninaacha mambo ya ndoa pembeni na kupiga kazi. Siwezi kuacha kukesha studio kwa sababu ya ndoa. Siwezi kuacha kupiga shoo kwa sababu ya ndoa”.

Lakini Roma aliendelea kufunguka kwa kuwapa somo wasanii wenzake juu ya ndoa na sanaa:

Kwa hiyo watu wengi waliofeli kisa ndoa, hapa nitaweka wazi kwamba walishindwa kumentaini hapo. Katika maelewano na watu wao wa karibu hasa kwenye kazi zao.Wake wanashindwa kuwaelewa wanaume wao na kuwaacha wafanye kazi kama ilivyokuwa awali kabla ya kuwa nao. Hapo ndipo inapokuwa tatizo. Lakini kwa upande wangu mke wangu ni muelewa sana”.