Kim Nana Awatolea Povu Gigy Money na Lynn

Video Queen anayefanya vizuri kwa hivi sasa Lilian Kessy maarufu kama Kim Nana amewapa kichambo cha maaana warembo wenzake Lynn na Gigy Money baada ya kurushiana matusi.

Wiki iliyopita kuna video clip ilisambaa Kwenye mitandao ya kijamii iliyowaonyesha Gigy Money na Lynn wakiwa wanarushiana mitusi mizito mizito na hata kudaiwa kupigana.

Kim Nana amewatolea povu wasichana hao kwa kitendo walichofanya mbele ya jamii huku akidai jambo hilo linawafanya watu wawaone walio katika fani ya uvideo Queen ni wahuni tu kama wao.

Kwenye mahojiano aliyofanya na Global Publishers,  Kim Nana alisema hakufurahishwa na wauza nyago hao kusemeana mbovu hadharani kwani ingekuwa vema wakaitana pembeni na kugombana pasipo kuwapa watu faida hasa ikichukuliwa kuwa, wao ni kioo cha jamii.

Unajua wameshindwa kutambua kuwa wao ni kioo cha jamii na  maneno waliyokuwa wakirushiana yanafanya watu waidharau fani yetu na kuona kuwa ni ya kihuni kutokana na kuropoka ovyo mbele za watu“.