Riyama- Wasanii Wasitegemee Sanaa Tu Kuingiza Kipato

Msanii mkongwe wa Bongo movie Riyama Ally amefunguka na kuweka wazi kuwa wasanii wanatakiwa watafute njia mbali mbali za kuingiza kipato na sio sanaa tu.

Riyama amefunguka hayo alipokuwa anaongelea biashara zake anazofanya nje ya sanaa ya Bongo Movie ambapo amedai kuwa sanaa inaingiza hela pia.

Riyama ambaye amekuwa akifanya vizuri na biashara yake ya kuuza t-shirt ameiambia Bongo 5 kuwa pale msanii anapoamua kufanya biashara haimaanishi kuwa sanaa anayofanya haimlipi.

Hapana sio kweli, mtu unatakiwa kufanya vitu mbali mbali ili kuweza kujiongezea kipato lakini movie na tamthilia zinalipa na uzuri tunapiga miguu yote, basi mambo mazuri hiyo nimejiongeza tu“.

Imekuwa jambo la kawaida sasa kwa mastaa mbali mbali kufanya biashara hasa kwa kutumia mitandao ya kijamii kujipatia kipato aidha kwa kutangaza matangazo ya biashara au hata kuwa na biashara zao binafsi na kuzinadi kwa kutumia mitandao ya kijamii.