Irene: Sina Mpango wa Kuolewa na Mwanaume Wa Bongo Ni Wababaishaji

Video vixen anayejulikana sana mitandaoni Irene Hillary maarufu kama Official Lynn amefunguka na kuweka wazi kuwa hana mpango wa Kuolewa na wanaume wa kibongo kwa sababu wengi wao ni wababaishaji.

Irene alijizolea umaarufu siku za nyuma kutokana na kuonekana katika video ya kwetu iliyoimbwa na Rayvanny Lakini pia umaarufu ulizidi baada ya kusemekana kutoka kimapenzi na staa wa Bongo fleva Diamond Platnumz.

Kwenye mahojiano aliyofanya na Risasi Jumamosi, Irene  alisema kuwa ameona wanaume wengi wa Kibongo wanapenda sana kuchezea wanawake hivyo haoni sababu ya kuutesa moyo wake kwa kuwa na uhusiano wa kimapenzi na Mbongo.

Yaani kwa niliyoyapitia sitarajii kabisa kuolewa na Mbongo wala sina wazo hilo kabisa maana naona wazi nitautesa moyo wangu bure“.