Ben Pol Ametaja Sababu Za Kufanya Kazi na Ebitoke

Mwanamuziki wa Bongo fleva Ben Pol Amefunguka na kuweka wazi kuwa sababu kubwa iliyomfanya mpaka kufanya kazi na mchekeshaji kutoka Timamu Tv Ebitoke ni ahadi aliyowapa mashabiki zake hapo nyuma.

Ben Pol amemshirikisha Ebitoke kwenye wimbo wake mpya unaoenda kwa Jina la ‘Natuliza boli’ na amekiri kuwa ameamua kumshirikisha Ebitoke kwa sababu ni moja kati ya ahadi yake kwa mashabiki zake.

Msanii huyo aliweka wazi mwanzoni mwa mwaka huu kuwa atashirikiana kwa karibu na Ebitoke katika kazi zake mbali mbali lakini pia amekiri kuwa kuna kazi nyingi zinakuja zinazomshirikisha Msanii huyo:

Kufanya Kazi na Ebitoke ni moja kati ya kazi zangu tulijiwekea nia hiyo ya kufanya kazi pamoja. Ebitoke ni mshkaji wangu wa karibu sana na tutaendelea kushirikiana katika kazi zetu kila itakapohitajika”.

Wasanii hao wamekuwa wakitajwa kuwa na Mahusiano ya kimapenzi baada ya mara kadhaa Ebitoke kuweka wazi kuwa anampenda Ben Pol lakini inadaiwa ni marafiki tu na wapo pamoja kwa sababu za kibiashara.