Ray Kigosi na Jb Waja Kivingine Kwa Mashabiki.

Wasanii wawili wa bongo movies wameamua kuja na style mpya kwa ajili ya kuwaburudisha mashabiki wao baada ya kuingia katika pambano la kupigana ngumi zisizokuwa na ubingwa  katika siku ya Pasaka mwaka huu.

Wasanii hao wameamua kuwa karibu na mashabiki wao wa mkoa wa Morogoro kwa kushereka pamoja katika sherehe hizo huku wakikutana uwanjanai na kila mmoja akihaidi kumtoa mwenzake meno siku ya pambano hilo litakalofanyika katika uwanja wa Jamhuri mkoani Morogoro.

Burudani hiyo ya wasanii hawa wakali kutoka bongo movie itafatiwa na mpambano mkali kati ya mabondia wakubwa wawili Afrika Twaha Hassan wa Morogoro pamoja na Chimeme Chiota kutoka Malawi  shindano litakalokuwa na raundi kumi huku wakiweka hamasa kubwa kwa mashabiki kutokana na ukweli kuwa mabondia wote wapo vizuri katika ngumi.

Wakiongea na waandishi wa habari, Jb alisema kuwa siku  anakusudia  kumchakaza vikali mpinzani wake ray kwa sababu anaamini kuwa amemzidi kwa kila kitu huku Ray akisema kuwa mashabiki waje kwa wingi kuangalia jinsi atakavyomuangusha Jb kwa sababu ya mazoezi makali anayoyafanya kwa maandalizi.

Promota wa shindano hilo alisema kuwa aaliamua kuwakutanisha wawili hao katika pambano ilo kwa sababu watu wamekuwa wakiwalinganisha sana katika mitandao ni nani mkali hivyo siku hiyo  watatoa ubishi wa mashabiki lakini pia kwa sababu wawili hao ni mashabiki wa timu tofauti yaani Simba na Yanga.