Baada ya Kufanikiwa Matibabu,Wastara Kupokelewa Rasmi March 1.

Chama cha waigizaji wilaya ya Kinondoni inatoa wito kwa wasani wote nchi kujitokeza siku ya March 1 kwa ajili ya kumpokea msanii mwenzao Wastara Juma baada ya kufanikiwa kupata matibabu yake aliyokwenda kutibiwa nchini India.Wastara ambae alienda nchin humo mwanzoni mwa mwezi huu anatarajiwa kufika kesho katika uwanja wa ndege wa taifa.

Wastara ambae alikwenda kwa ajili ya matibabu yake baada ya kuhanagika kwa muda mrefu kupata pesa za matibabu yake kufikia hatua mpaka Mh.Rais kuingilia katika michango yake kwa kumuongezea kiasi flani cha pesa amefanikiwa kupata matibabu hivyo anarejea nyumbani .

Akiandika barua kwa wasanii wote, Afisa Habari chama cha Wasanii Kinondoni anawaomba wasanii kujitokeza kwa wingi kwa ajili ya kumuona msanii mwenzao na pia kumpa poel na hongera kwa kufanikisha matibabu.

                   TAARIFA KWA UMMA

              Imetolewa leo;

tarehe 26/2/2018

YAH:MAPOKEZI

Chama cha waigizaji Kinondoni,kinapenda kuwajulisha wasanii na watanzania kwa ujumla kutakuwa na mapokezi ya msanii na mwanatasnia mwenzetu  Bi Wastara Juma  yatakayofanyika siku ya Alhamis tarehe 1 March saa saba kamili mchana uwanja wa ndege wa Mwalimu Julius Kambarage Nyerere.

Chama kinawajulisha  na kuwaomba wasanii na wadau wote  wa tasnia kujitokeza  kwa wingi kumlaki muigizaji  mwenzetu na mpendwa wetu Wastara Juma kwa furaha baada ya kufanikiwa  kwa matibabu yake nchini India  katika hospitali ya Sifael  iliyopo mjini Mumbai.UMOJA NI NGUVU NA UTENGANO I UDHAIFU.PAMOJA TUNAJENGA TASNIA YETU.

Mungu amtie nguvu na amzidishie afya njema…Amin.

Masoud Kaftany

Afisa Habari, Uenezi, Mahusiano na UMMA.

          Chama cha Uigizaji Tanzania.