“Dogo Janja Kaolewa na Uwoya”- Edu Boy

Msanii wa Bongo fleva anayekuja kwa kasi kwa staili yake ya kurap Edu Boy amevunja ukimya kuhusiana na bifu linaloendelea kati yake na staa wa Bongo fleva Dogo Janja.

Siku za hivi karibuni wawili hao waliingia kwenye bifu kali baada ya kuanza kurushiana maneno kwenye mitandao ya kijamii na kisha baadae kufanya Interview na kurushiana vijembe.

Sakata hili lilianza mara baada ya Edu Boy kutoa wimbo wake mpya ulioenda kwa jina la ‘Tunasafisha’ ambapo ndani ya wimbo huo aliwachana wasanii kadhaa huku Dogo Janja akiwa mmoja wapo.

Kwenye Interview aliyofanya baadae Dogo Janja alisema kuwa hawezi kujibu anachokiimba wala anachokisema Edu Boy kwa sababu ni mtoto mdogo sana kwake hivyo astahili jibu lake.

Edu Boy ametoa povu kali alipokuwa anahojiwa na East Africa Tv ambapo amedai kuwa Dogo Janja ameolewa na mtu mzima ndio maana anajiona na yeye mkubwa:

Dogo Janja nimepata taarifa yake nilimuona na nikasikiliza pumba zake alizokuwa anaongea mwisho wa siku nikaona yule ni Dogo tu siwezi nikamuita mdogo maana amefikisha miaka 18 ni mdogo wangu tu lakini naona kuolewa ndio kunampa mapembe na kuna vitu vingine anakuwa anachukulia poa ni ndoa ndio inamsumbua”.

Lakini pia kwenye wimbo huo huo alimchana msanii rapa Stamina ambapo baada ya kusikia amedisiwa Stamina alimtumia ujumbe kuwa akikutana naye sehemu yoyote lazima amtembezee kichapo jambo ambalo Edu Boy amedai haogopi kwani Stamina hawezi kumfanya chochote.