Dogo Janja na Irene Uwoya Ndani ya Mahaba Mazito

Mwanamuziki maarufu wa Bongo fleva Dogo Janja ameonekana akiweka wazi hisia zake na penzi lake kwa mke wake wa halali kabisa muigizaji wa Bongo movie mrembo Irene Uwoya.

Dogo Janja na Irene Uwoya walifunga ndoa ya siri siri mwaka jana mwishoni baada ya kuwa na mahusiano ya siri kwa kipindi cha muda mrefu, ambapo kwa kipindi chote hicho kila mmoja kwa wakati wake alikuwa anakataa kuwa na mahusiano na mwenzake.

Wawili hawa walizua gumzo na waliufunga mwaka 2017 baada ya kubainika kuwa wamefunga ndoa ya siri ambayo ilihudhuriwa na watu wachache kupita kiasi. Habari za ndoa ya mastaa hawa wawili iliwashtua watu wengi kwani waliamini kwamba wawili hawa hawaendani kwa kwa kila kitu.

Lakini hata baada ya kufunga ndoa hawajawa watu wa kuonyesha mapenzi yao hadharani kwani wameonekana hadharani mara moja tu ambapo walienda pamoja kwenye harusi ya Shilole na Uchebe. Pia hata kuposti picha wakiwa wmepiga pamoja hawajawahi kuposti jambo ambalo wenyewe wamesema hawataki ndoa za mitandao.

Pamoja na hayo wapendanao hawa wawili wakiwa maisha yao ya kimapenzi chini ya kapeti maisha yao ya kisanaa wameamua kuyaweka yote hadharani ambapo hivi karibuni Dogo Janja ameweka wazi kuwa kuna nyimbo yake mpya inatoka hivi karibuni ambayo anemshirikisha mkewe Uwoya ambapo amedai kuwa Irene anaimba na kurap ndani.