Wastara: Sijawahi Kuwadanganya Watanzania Kuhusu Ugonjwa Wangu

MuigIzaji wa bongo movie Wastara Juma amefunguka na kusema kuwa hajawahi kuudanganya umma wa Watanzania kuhusu ugonjwa wake unaomsumbua.

Wiki chache zilizopita Wastara aliulilia umma wa Watanzania umsaidie chochote kitu ili aweze kwenda kusafiri nje ya nchi ili akapate matibabu kwa ajili ya mguu wake unaomsumbua kwa hivi sasa.

Wastara anasumbuliwa sana na mguu huo ambao ulikatwa miaka michache iliyopita baada ya kupata ajali ya gari. Miaka ya hivi karibuni Wastara amekuwa akilalamika kuwa mguu huo unamsumbua sana hadi kupelekea kusababisha maumivu kwa miguu yote.

Baada ya kuenda kwenye vyombo vya habari na kuomba msaada kupelekea Watanzania kumchangia mamilioni na pia hata Raisi Magufuli kumchangia milioni kumi na tano kuna baadhi ya habari zilizodai kuwa Wastara ni tapeli na anatumia mguu wake ili apate pesa ambazo atazitumia kwa ajili ya maslahi yake binafsi na biashara zake.

Wastara amekana tuhuma hizo na kwenye mahojiano na Millard Ayo Wastara amesisitiza kuwa hajawahi hata siku moja kudanganya Watanzania kuhusu mguu wake:

Kwanza mimi siwezi kuwalazimisha watu waamini kile ninachokisema ila siku zote naamini kwamba halafu watu wote wanaoongea na kudai mimi ni muongo na siumwi hawajawahi hata siku moja kuja kuniona wala kushuhudia matatizo yangu hawezi kujua mimi naishije nasikitika sana kusikia taarifa hizo mimi sijawahi hata siku moja kudanganya kuhusu ugonjwa wangu lakini hasa sijawahi kuwadanganya Watanzania kuhusu ugonjwa wangu”.

Mange Kimambi amemtuhumu Wastara kwa kudanganya kuhusu ugonjwa wake mara ya mwisho alipochangiwa kwani alisema anaumwa na kupelekwa India Lakini aliporudi zilipotakiwa risiti hakuwa nazo ndipo ilipojulikana kuwa alienda Muscat kununua vitu vya Dukani kwake tuhuma ambazo Wastara amezikataa.